Лондондаги машҳур фитнес-клубда ноодатий машғулотлар ўтказила бошланди. Уларга кўра, ташрифчилар 45 дақиқа давомида ухлаши мумкин, деб хабар беради «РИА Новости».
Курс Napercise (nap — ухлаш ва excercise — машқ сўзларидан) деб аталади. Ушбу курсга ташриф буюрганларга штанга ва велотренажёрлар ўрнига бир ўринли тўшак, ёстиқ-кўрпа ва кўз учун ниқоб тақдим этилади.
Машғулотлар мушакларни бўшатиш машқларидан бошланади ва улар билан тугайди. Бу гўёки уйқу учун идеал ҳарорат яратади.
Агар ушбу ташаббус муваффақиятли якунланса, машғулотларни бутун Буюк Британияда ўтказиш режалаштирилмоқда.