Италиянинг "Милан" жамоаси раҳбарияти бош мураббий Винченцо Монтелланинг ўрнига янги мураббий излашга тушиб кетди.
"Россонери"лар Швейцария термаси устози Владимир Петкович билан боғланишган. "Милан" раҳбарияти жамоанинг ушбу мавсумдаги ўйинларидан мамнун эмас.
Агарда Швейцария терма жамоаси ЖЧ-2018 учун ўтиш ўйинларида муваффақиятсизликка учраса, музокаралар фаоллашади.
Ушбу мутахассис "Лацио" жамоаси билан 2013 йилда Италия кубогини қўлга киритган.