Англиянинг 6-дивизионида қизиқ ҳолат юз берди. “Чорли” жамоаси Англия кубогида “Флитвуд Таун” билан тўқнаш келади. Шу боис жамоа мазкур кубок ўйинида иштирок этиш учун дарвозабон ва ярим ҳимоячи излаётганини маълум қилди. Клуб твиттерга айнан шундай эълон жойлаштирди.
“Дарвозабон ва ярим ҳимоячи қабул қиламиз. У “Флитвуд Таун”га қарши ўйинга тайёр бўлиши керак”, деб ёзилганди эълонда.
“Чорли”нинг асосий посбони Мэтт Урвин ва ярим ҳимоячи Ник Хотон “Флитвуд Таун”га ижарага берилгани сабабли кубок ўйинида жамоаси сафида иштирок эта олмайди.
Мазкур ўйин 4 ноябрь куни бўлиб ўтади.