"Реал" анча вақтдан бери "Сантьяго Бернабеу"даги ўйинларда паст самарадорлик кўрсатмаётган эди. Жамоа 2017/2018 йилда ўз уйида ўтказган 7та ўйинда бор-йўғи 11та гол урди. Бу учрашувларда Зидан жамоаси 3та ўйинда ғалаба қозонди, 3та ўйинда дуранг ўйнади ва бир марта ютқазди.
XXI аср мобайнида "Қироллик клуби" ҳали бунчалик ёмон старт намойиш қилмаганди. 1998 йилда Хиддинк бошчилигидаги "Реал" шунга яқин натижа қайд этганди: 7та ўйинда 3 дуранг ва 2 мағлубият.
"Мадрид" бундан 74 йил аввал — 1943/44 йилги мавсумда дастлабки 7та ўйинда 10та гол урганди. Ҳозир эса жамоа ўз майдонидаги дастлабки 7та учрашувда 11та тўп киритди.