«Наполи» бош мураббийи Маурицио Сарри Италия чемпионатининг 9-тури доирасида бўлиб ўтган «Интер»га қарши ўйин (0:0) борасида фикр билдирар экан, «нерадзурри» мураббийи Лучано Спаллетти устидан ҳазил қилди.
«Бугунги ўйиндан келиб чиқиб фикр билдирсам, Спаллетти мудофаа вазири бўлиши керак.
Тўғрисини айтсам, жамоа ЕЧЛга нисбатан А серия ўйинларини катта иштиёқ билан ўтказмоқда. Биз 95 дақиқа давомида юқори савияда ўйнадик. "Манчестер Сити"га қарши баҳсда бундай ўйинимиз 55 дақиқа давом этганди», — деди Сарри.
Аввалроқ Лучано Спалетти ҳамкасби Сарри ҳақида фикр билдириб, "агар у 17 йил аввал банкдан кетмаганида, ҳозир иқтисодиёт вазири бўлган бўларди", деганди.
Ушбу мавсумда «Наполи» 25 очко билан жадвалда пешқадамлик қилмоқда. «Интер» эса 23 очко билан 2-ўринда бормоқда.