«Барселона» жамоа ҳужумчиси Лионель Мессига фаолиятининг охиригача мўлжалланган шартнома таклиф қилади. Бу ҳақда "кўк-анорранглилар" бош директори Оскар Грау хабар тарқатди.
30 ёшли футболчининг каталонияликлар билан ҳозирги шартномаси 2018 йилнинг июнь ойида якунига етади. Ҳозирча Месси билан ҳозирча расман шартнома узайтирилмади. Аввалроқ "Барса" президенти Жозеп Бартомеу бир неча марта баёнот бериб, Лео билан янги шартнома борасида келишувга эришилгани ва фақат ҳужжатларни расмийлаштириш қолгани ҳақида айтиб ўтганди.
«Месси июнь ойида 4 йилга мўлжалланган шартномага имзо чеккан, аммо клуб унга "умрбод" шартнома таклиф қилади. Лео ёшлигидан "Барселона" сафида ўйнаб келмоқда. Шу боис, у клуб рамзи ҳисобланади. У футболчилик фаолиятини тугатганидан кейин ҳам "Барселона" ишлашда давом этишини истаймиз», – деди Грау.
Эслатиб ўтамиз, октябрь ойи бошида каталонияликлар ярим ҳимоячи Андрес Иньеста билан фаолиятининг охирига қадар мўлжалланган шартнома имзолашганди.