"Стадион" газетасининг эртага сешанба куни сотувга чиқадиган №3 (46) сонидан анонслар келтирамиз.
2-саҳифадаги бош мақолада Қаҳрамон Асланов "Вақтида туғилган Заммер" сарлавҳаси остида "Олтин тўп" мукофотининг ўтмиши ва бугунги куни ҳақида фикр юритади.
3-саҳифамиз одатдагидек, терма жамоаларимизга бағишланган ва унда Диёр Имомхўжаев ва Олимхўжа Бўроновлар олимпия ва футзал терма жамоаларимиз фаолиятига оид чиқишлар қилишган.
4-саҳифада ҳафта ўртасида эълон қилинган рейтинглар таҳлили, шунингдек, терма жамоаларнинг январь ойидаги ФИФА рейтингига оида таҳлилий мақола ёритилган. Муаллиф Олимхўжа Бўронов.
5-саҳифада ёш, иқтидорли журналистимиз Муҳрим Аъзамхўжаев "Ўртоқ, учрашайлик!" таҳлилий мақоласида клубларимизнинг мавсумолди йиғинлари ҳақида фикр юритган. 6-саҳифада Осиё футбол бозорида рўй бераётган ўзгаришларни таҳлил қилган.
7-саҳифада одатдагидек, ПФЛ-2011 сарҳисоби келтирилган. Сўнгги таҳлил – аутсайдерлар "Қизилқум" ва "Сўғдиёна"га тегишли.
8-саҳифада "Бунёдкор" клуби раҳбари Баҳромжон Давлатовнинг мухлислар саволларига жавоблар келтирилган бўлса, 9-саҳифада Шерзод Ражабов ўзининг "Мессини тинч қўйинг. Хави ҳам!" сарлавҳаси остидаги мақоласида ФИФАнинг "Олтин тўп" соврини келажаги ҳақида фикр юритган.
11-саҳифада Шоҳрухбек Ҳайдаров "Пентакампеонларни "ААА. Бразилия-94" синдроми мақоласида Бразилия терма жамоасининг жаҳон кубоклари сари босиб ўтган йўллари назардан ўтказилган.
Ниҳоят, 14-саҳифада муаллифлар Ҳамза Ёқубов ва Фаррухжон Файзиевларнинг Африка миллатлар кубоги мусобақасига бағишлаб биргаликда тайёрлаган маълумотлари сизда катта қизиқиш уйғотиши мумкин.
Шунингдек, газетадан футбол хабарлари, келаётган ҳафта ичидаги энг муҳим ўйинлар анонси, ТВ-дастурлар ҳам ўрин олган.
Газетанинг "юзи" ҳисоблануви 16-саҳифада ҳам сизни қизиқ ҳажвия, маълумот ва мақолалар кутиб турибди.
