2012 йилдан эътиборан Олий Лига ўйинлари бошланишида ПФЛ мадҳиясининг янграши мажбурий қилиб белгилаб қўйилди. Бу ҳақда ЎФФ расмий твиттери хабар бермоқда.
Олий Лига ўйинларида ПФЛ мадҳиясини қўймаган ёки уни бошқа мадҳия билан алмаштирган клуб ЎФФ томонидан жазоланади.
ПФЛ мадҳияси 2011 йилда яратилган бўлиб, мавсумнинг иккинчи ярмидаги дастлабки ўйин - "Пахтакор" - "Бунёдкор" учрашувида илк бора янграган эди. ЎФФ расмий твиттерига кўра, ПФЛ мадҳиясининг ғояси муаллифи "Ориат Доно" радиоси мусиқий муҳаррири Дилмурод Авазов бўлса, мадҳия муаллифи Сарвар Раҳматхўжаевдир.
"Бу мен учун катта шараф. Сен басталаган мадҳия бутун Ўзбекистон стадионларида янграса, ғурурланиб кетасан киши", дея бастакор Сарвар Раҳматхўжаевнинг сўзларидан иқтибос келтирмоқда ЎФФ расмий твиттери.
2011 йилнинг энг яхши бастакори Сарвар Раҳматхўжаев басталаган ПФЛ мадҳиясини қуйидаги линк орқали юклаб олиш мумкин: http://www.megaupload.com/?d=KWHSNPBY