“Волга”дан “Алания”га келиб қўшилган ҳамюртимиз Санжар Турсунов янги жамоаси билан машғулотларга киришиб кетди. Жамоа таркиби иккига бўлиниб, назорат учрашувда қатнашгач, клуб расмий сайти ходимлари Санжардан қисқа интервью олишди. 

- Илк таассуротлар жуда илиқ. Ёмон ўйнамадик, тезкорлик ҳам қониқарли. Етарли имкониятлар ҳам бўлди, лекин фойдалана олмадик, - деб ўйинга нисбатан изоҳ берди Санжар Турсунов

- Бугун сен ҳар икки жамоа сафида ҳам ҳаракат қилдинг – биринчи тайм “кўклар” таркибида, иккинчи таймда “сариқлар”?

- Ҳа, танаффус пайтида мураббий мени нариги жамоага ўтказишга қарор қилди. Менимча, ҳар икки жамоада ҳам ўйнаш ноқулай бўлмади.  

- Гол ура олмаганинг учун хафа эмасмисан?

- Йўқ. Дуранг ўйнадик, дема кдўстлик ғалаба қозонди.

- Жамоага киришиб кетдингми?

- Мени ажойиб кутиб олишди. Илк кунлардан жамоадошларим билан тил топишиб кетганмаг. Хавотир олманг, кўникиш борасида муаммо бўлмайди. 

- “Алания” ҳақида илк таассуротлар қандай?

- Клубда тартиб интизом жуда қаттиқ экан.

- Сен футбол шуғулланишни Тошкентда бошлагансан. Миржалол Қосимов билан танишмисан?

- Ҳа, менинг илк футбол йўлим “Пахтакор”да кечган. Қосимов шахсан танийман, лекин “Алания”га келиш олдидан у билан гаплаша олмадим. У жамоаси билан йиғинга кетган эди.

- Премъер лигадан биринчи лигага тушганинг учун афсус қилмаяпсанми?

- Умид қиламанки, бу вақтинча. Худо мадад берса, биз олдимизга қўйилган вазифани бажарамиз ва олий дивизионга чиқамиз. Бу ерда яхши футболчилар йиғилган, демак биринчи ўринни олиш қўлимиздан келади.