Португалия терма жамоаси ва Мадриднинг «Реал» клуби ҳимоячиси Пепе фаолияти мобайнида бир неча бор дахшатли қўполликларга йўл қўйган. Furkat.uz сайти унинг дахшати 5 та қўполлиги ҳақида тўхталиб ўтади.


1. «Хетафе»га қарши ўйинда
2008/2009 йиллар мавсуми охирида «Хетафе» сардори Каскеро Пепенинг фантастик зарбаларини қабул қилиб олишга мажбур бўлди. Португалиялик ҳимоячи йиқилган рақибини бир неча марта тепиб ташлайди. Бу қилиғи учун эса 10 та ўйинга дискалификация қилинади. Ўша вазиятдан кейин Пепе интервю бериб, футболчидан кечирим сўраган. Лавҳани кўрганлар Пепени ақлдан озган деб ўйлаган бўлишса ажаб эмас.



2. «Барселона»га қарши ўйинда
«Барселона» мухлисларининг энг ёмон кўрадиган футболчилари бу Пепе бўлса керак. Ҳимоячи «Эль-Классико»да Каталонияликлар етакчиси Мессининг қўлини атайин босиб олади ва мухлислар нафратига дучор бўлади. 

3. «Лион»га қарши ўйинда
2011-йилда Чемпионлар лигаси нимчорак финалида «Реал» француз клубини қийинчиликсиз 3:0 ҳисобида таслим қилди. Бироқ Пепе шу куни ҳам ўзини тентакона қилиқларини давом эттирди. У бир неча марта ўзини Жекки Чанман деб ўйлаб қолди шекилли, қўполликларни канда қилмади. Французлар уни роса қарғашган бўлса неажаб…

4. «Леванте»га қарши ўйинда
2011-йилда «Леванте» «Реал»ни мағлубиятга учратади. Шу куни «галактикос» сафида мағлубиятни Пепе ҳазм қила олмади. У ўз одатига кўра рақибларини ўз услубида жазолади. Аниқроғи Хави Торресга шавқатсизларча муносабатда бўлди.



5. Германияга қарши ўйинда
Бу йилги мундиалда Португалларнинг омадсизликка учрашларида маълум миқдорда Пепенинг ҳам айби бор. У дастлабки ўйиндаёқ немислар ҳужумчиси Мюллерга қарши қўполлик қилиб, майдондан четлатилди ва жамоасини мушкул аҳволга солиб қўйди. Пепе ўша пайти ўзини босиб ҳаракат қилганида, балки Португалия узоқроққа борган бўлармиди?

Пепе сўнгги пайтларда ўзини анча босиб олганини ҳам тан олиш керак. Лекин ҳар сонияда ундан кутилмаган ҳаракатларни кутиш мумкин. 


Юсупов Фурқат