Европа миллий чемпионатларида сўнгги тур ўйинлари бошланмоқда. «Бавария» 17 йил аввалги антирекордни такрорлади, «Челси» футболчилари бошқаларга нисбатан дарвозага энг кўп аниқ зарба беришган, «Реал» футболчилари бошқаларга кўра дарвоза тўсини ва устунини кўпроқ нишонга олишган, энг кўп қоидабузарлик эса "Барселона" ҳужумчиси Мессига нисбатан ишлатилган. Шу ва бошқа фактлар борасида тўхталиб ўтамиз.

Германия. «Бавария» – «Майнц». 23 май, 18:30
– «Бавария» «Майнц»га қарши сўнгги 5та ўйинда ғалаба қозонди,  тўплар фарқи — 14:3. Мюнхенликлар «Майнц»га қарши ўйинларда сўнгги марта 2012 йилнинг апрель ойида очко йўқотишганди (0:0).

– Агар «Бавария» ушбу турда «Майнц»дан гло ўтказиб юбормаса, бирданига иккита рекорд ўрнатади. Биринчида, Гвардиола жамоа бир мавсумда 22та ўйинда "қуруқ" ўйин ўтказади. Иккинчидан, Нойер Бундеслиганинг ушбу мавсумида 20та ўйинда ўз дарвозаси дахлсизлигини сақлаб қолади.

– Ўтган турда «Бавария» чемпионат доирасида кетма-кет учинчи марта ютқазди. Мюнхенликлар сўнгги марта 17 йил аввал Жованни Трапаттони даврида шундай салбий натижа қайд этишганди.

– Мюнхенликлар 10 йил давомида «Альянц Арена»да 249 та ўйин ўтказишди (187 ғалаба, 37 дуранг ва 24 мағлубият).

– Бугунги ўйин Швайнштайгер учун «Бавария» сафидаги 500-ўйин бўлади. Фақат етти нафар футболчи бундай довонни ошиб ўтишган. «Бавария» формасида энг кўп ўйин ўтказган ўйинчи — Оливер Кан (632).

Испания. «Реал» – «Хетафе». 23 май, 21:30
– «Хетафе»га қарши ўйин Роналду учун Испания чемпонатидаги 200-ўйин бўлади. У 199та ўйинда 222та гол уришга муваффақ бўлди.

– «Реал» ушбу мавсумда дарвоза томон барчага нисбатан кўпроқ зарба берган (648) ва энг кўп гол урган (109). Бу кўрсаткичлар бўйича иккинчи ўрин «Барселона»га тегишли (106 ва 589).

– "Реал" футболчилари 37та ўйинда рақиб дарвозасига устун ва тўсинларини 30 марта нишонга олишган. Бу кўрсаткич бўйича "Барса" иккинчи ўринда — 18 марта тўсин ва устун.

– «Реал» ўйинчилари 117 марта офсайдга тушиб қолишган. Бу кўрсаткич бўйича фақат «Малага» мадридликлардан устун (119).

– Ушбу мавсумда «Реал» 237 марта бурчак тўпини ўйинга киритди. Шулардан 10тасида "Мадрид" гол урган (4,2%).

Испания. «Барселона» – «Депортиво». 23 май, соат 21:30
– «Депортиво»га қарши ўйин Хави учун Испания чемпионатидаги сўнгги учрашув бўлади. У Испания чемпионатларида 505та ўйин ўтказиб, 58та гол урган. Бошқа футболчи "Барселона" сафида бунча кўп ўйин ўтказмаган.

– Ушбу мавсумда Испания чемпионатида «Барселона» ўйинчилари зарбаларининг аниқлик даражаси энг юқори бўлди – 47% (274та 589тадан). Кейинги ўринларда:«Атлетико» – 46%, у «Севилья» – 44%, «Реал» – 43%.

– Футболчилар орасида Месси энг кўп дарвоза устун/тўсинини нишонга олган — 10 марта. Иккинчи ўрин Роналдуга тегишли — 7та.

– Ушбу мавсумда энг кўп қоидабузарлик Мессига нисбатан ишлатилган (91 марта). "Реал" футболчилари орасида эса Кроосга нисбатан энг кўп фол ишлатилган (75).

– Томошабинлар ташрифи «Барселона» ўйинларида кузатилди. ушбу мавсумда «Ноу Камп»га битта ўйинда ўртача 76373 нафар мухлис кирди. Иккинчи ўринда — «Реал» (74482).

Англия. «Челси» – «Сандерленд».
– 1967 йилги мавсумдан бери илк марта «Сандерленд» кетма-кет икки марта «Челси» майдонида ғалаба қозониши мумкин.

– «Челси» зарбаларининг самарадорлиги бошқа жамоаларга нисбатан юқори бўлди. Давроза томон йўлланган зарбаларнинг 14 фоизи голга айланган. Аммо "Челси" футболчилари (510) айрим жамоалар — «Манчестер Сити» (608), «Ливерпуль» (562) ва «Арсенал» (544)га нисбатан камроқ зарба беришган.

– «Челси» ўйинчилари зарбаларининг аниқлиги ҳам юқори бўлган – 40%.

– «Челси» ушбу мавсумда энг кам футболчилар хизматидан фойдаланган – 24 нафар («Бёрнли» ва «Манчестер Сити»да ҳам шунча). «МЮ» формасида тушган футболчилар сони энг кўп бўлди – 33 футболчи.

– «Челси» ўйинлари ушбу мавсумда энг кўп фолга йўл қўйишган (368 марта), Энг кўп қоидабузарлик эса Азарга нисбатан қайд этилган (103 марта).