Кучли бешлик чемпионатларининг ярми эндигина ортда қолган бўлсада, уларнинг тўрттасида чемпион ким бўлиши деярли аниқ бўлиб улгурмоқда.
Қуйида чемпионатлардаги 1-2-ўриндаги жамоалар ўртасидаги фарқлар ҳақида тўхталиб ўтамиз.
Германия - 16 очко
Бундеслигада 19-турдан сўнг пешқадам "Бавария" 2-5 ўринларда бораётгн 4 та жамоадан 16 очко илгарилаб кетган. Карло Анчеллоти кетганидан сўнг, ўйини янада кучайган мюнхенликлар чемпион бўлишларига деярли ҳеч ким шубҳа қилмаяпти. Қолган 15 турда "Бавария" 10 та ғалабага эришса чемпион бўлади. Таҳминимизча 27 ё 28 турларга келибоқ Хайнкесс шогирдлари чемпионликни расмийлаштириб қўйишса керак.
Англия - 12 очко
"Манчестер Сити" 24-тургача атиги 7 очко йўқотди ва энг яқин таъқибчиси бўлган ҳамшаҳарларини 12 очкога ортда қолдирмоқда. Гвардиола шогирдлари бор йўғи 3 та ўйинда очко йўқотганини инобатга олсак, бу мавсум "Сити"ники бўлиши деярли аниқдай. Шундай бўлсада Моуриньо шогирдлариннг таслим бўлиш ниятлари йўқ.
Испания - 11 очко
20 учрашувда бирорта ҳам мағлубиятга учрамай келаётган "Барселона" энг яқин таъқибчиси бўлган Мадриднинг "Атлетико"сидан 11 очко илгарилаб кетган. "Реал" билан орадаги фарқ эса