Бундан бир неча дақиқа аввал Англия кубоги чорак финалида майдонга чиққан "Тоттенҳэм" ҳамда "Болтон" жамоалари ўртасидаги учрашув якунига етмай тўхтаб қолди.

BBCнинг маълум қилишича, учрашувнинг биринчи бўлими якунига етаётган бир пайтда, меҳмонлар ярим ҳимоячиси Фабрис Муамба ҳушини йўқотиб майдонга қулайди. Тезда етиб келган жамоа врачлари эса уни ҳушига келтиришга ҳаракат қилишди ва футболчини тўғри касалхонага олиб кетишди.

Ўйин бош ҳаками эса баҳсни давом эттирмасликка қарор қилган.

"Болтон" футболчисининг айнан нима сабабдан ҳушини йўқотганлиги сабаби ноъмалум. Аммо, бир қатор Британия нашрлари касалхонада унинг юрагини жарроҳлик амалиётига тайёрлашаётганини айтишмоқда.