Испания 2-двизонида ўтказилган бир ўйин шубҳа остига олинди. Ўйин келишилган деб қаралмоқда.

Турнир жадвалида 2-ўринда турган "Сельта Виго" ўз майдонида Кордоба" клубини қабул қилди. Агар ушбу икки клуб дуранг ўйнашса, "Сельта Виго" 5 йиллик танаффусдан кейин Ла-Лигага, "Кордоба" эса плей-оффга йўл олиши аниқ эди. Яъни, икки клубга ҳам бир очко етарди. Баъзи клуб вакиллари бу ўйин келишилган бўлиши мумкинлигини гумон қилиб, УЕФАдан уни назорат қилишни сўрашди.  Испания футбол федерацияси бу ўйин учун махсус кузатувчиларни юборди. Лекин ўйинда барибир дуранг натижа қайд қилинди: 0-0.

Қизиғи, икки клуб вакиллари ўйинда бирор марта ҳам дарвозага зарба беришмади, ҳатто 90 дақиқа ичида бирор марта ҳам бурчакдан зарбалар амалга оширилмади. Ўйин 85 дақиқа давомида майдон марказида кечди. Жамоалар аъзолари рақиб жарима майдончасига фақат 3 марта киришди. Ўйинда "Сельта Виго" вакиллари 741 марта бир-бирига пас беришган бўлишса, "Кордоба" футболчилари 850 марта пас узатишди. Бу рақам Ла-Лигада ҳам кузатилмаган экан. Ҳатто "Барселона" клуби вакиллари ҳам бир-бирига бу даражада кўп пас беришмас экан. 7 марта ўйин қоидаси бузилди, бироқ ҳеч бири сариқ карточкага тортадиган эмасди.

 "Малага" клуби футболчиларига бир неча ойдан буён маош бермаётган экан. Яқинда УЕФА "Бешиктош", "Бурсаспор" клубларини шу каби муаммолар учун еврокубоклардан бир йилга четлаштирган эди. "Лекин УЕФА бизга индамайди. Чунки Мишел Платини федерациямиз президенти Ангел Мариа Виллар билан дўст" деб ёзмоқда испан матбуоти. Келишилган ўйинларда айбланаётган "Сельта Виго" ва "Кордоба" клубларига ҳам ҳеч қандай жазо қўлланилиши кутилмаяпти.