Лондоннинг «Челси» клуби яримҳимоячиси Френк Лэмпард болаларга мўлжалланган китобларни чиқаради. 34 ёшли футболчи бунинг учун «Little Brown Book Group» фирмаси билан шартнома имзолади.
Шартномага мувофиқ Лэмпард мактаб давридаги Фрэнки ва унинг дўсти кучукча Макснинг саргузаштлари ҳақида бешта китоб ёзиб беради. Китобни ўқувчиларининг аудиториясига беш ёшгача бўлган болалар учун мўлжалланган бўлади.
Китобнинг биринчи томи «Фрэнки қароқчиларга қарши» номи остида 2013 йилнинг июнида чоп этилади. Шунингдек яна икки том 2013 йилда, қолган иккита томи эса 2014 йилга келиб чоп этилади.
«Фрэнки ва унинг сеҳрли тўпи менга болаларим учун китоб ўқиб бераётганимда келди. Бизнинг оилада спорт ва ўқиш энг бирламчи вазифалардан бири саналади. Шунинг учун ҳам ўзим китоб ёзишга аҳд қилдим», дея Лэмпарднинг сўзларидан иқтибос келтирмоқда «ВВС» нашри.