Камерун футбол федерацияси жамоатчилик билан ишлаш бўлими директори Жуниор Бриям «Анжи» клуби ҳужумчиси Самуэль Это’Ога нисбатан қасд қилиш ҳақидаги ҳужумчининг гапларига нисбатан ўз муносабатини билдириб ўтди.
«Федерация Это’Они ўлдиришдан қандай фойда кўриши мумкин? Ахир Самуэлнинг ўлигидан кўра бизга тириги афзалроқ-ку».
«Бу борада фақат шуни айтишим мумкинки, бу ишга Камерун футболини издан чиқармоқчи бўлган жуда кучли одамлар аралашмоқда», дейди Бриям.
Эслатиб ўтамиз, олдинроқ Это’О КФФ амалдорларини порахўрликда айблагани учун ўзига нисбатан қотиллик ҳаракатларини уюштиришларидан қўрқишини таъкидлаб ўтганди.