Англиянинг «Манчестер Юнайтед» клуби бош мураббийи Алекс Фергюсоннинг тасдиқлашича, сешанба куни бўлиб ўтадиган «Реал»га қарши учрашувда Райан Гиггз майдонга тушади ва ўзининг 1000-учрашувини ўтказади.
Гиггз ўтган ҳафтада жамоа билан шартномасини узайтирганди. Фергюсон уни «Реал»га қарши учрашувга сақлаб қолиш мақсадида «Норвич»га қарши премьер-лига учрашуви қайдномасига киритмаганди.
«Гиггз сешанба кунги учрашувда қатнашади. Биз у учун юзага келган бундай имкониятни қўлдан чиқармоқчи эмасмиз. Райан бунга муносиб», дея Фергюсоннинг сўзларидан иқтибос келтирмоқда «MUTV» телеканали.