Март ойининг бошида Хитой футбол элчиси билан келишувга эришган «ПСЖ» футболчиси Дэвид Бэкхем бугун Пекинга учуб кетди. У тўрт кун давомида Хитойдаги мактабларда бўлади ва футбол бўйича мамлакат чемпионати баҳсларини кузатисб боради.
37 ёшли футболчининг асосий вазифаси 1,3 миллиард аҳолисидан 100 мингга яқини футбол билан шуғулланадиган Хитойда футболнинг оммавийлигини оширишдан иборат бўлади. Бундан ташқари Англия футболи юлдузининг ташрифи мамлакатда авж олган келишилган ўйинларга ҳам таъсир кўрсатиши мумкинлиги айтилмоқда.
Ўтган ойда Хитой футбол иттифоқи 33 кишини бутун умрга футболдан четлатган эди.
Хабарларга қараганда, футболчининг Хитой футбол иттифоқи билан шартномаси беш йилга мўлжалланган бўлиб, бу Дэвидга 50 миллион фунт фойда олиб келади.