«Эвертон» ҳимоячиси Лейтон Бейнс жамоа мухлиси бўлган Гордон Маккининг уйига ташриф буюрди ва келаси мавсумда жамоанинг уй учрашувларига кириш имконини берадиган абонемент тақдим этди.
Бу лойиҳада клуб кўплаб мухлислар билан ушрашиб, уларни қўллаб-қувватламоқда. Гордон Маккининг аёли беш йил оғир касаллик билан курашиб, оламдан ўтган. Шунинг учун унинг ўғли отасини клуб ташкиллаштирган дастурда қатнашишини хоҳлаган.
Бейнс мухлиснинг уйига гулдаста ва абонемент олиб борган.
«Гордон учун жуда оғир ҳафта бўлган. Унинг кайфиятини сал бўлсада кўтарганимдан мамнунман. Бу вазиятда шундай қилиш керак. Уни келаси мавсумда «Гудисон»да кўришга умид қиламан»,- дейди Бейнс.