«Манчестер Сити» ҳужумчиси Эрлинг Холанд Чемпионлар лигасининг 5-турида «Фейеноорд»га қарши ўйинда дубль қайд этди. Энди 24 ёшли норвегиялик асосий Еврокубок турнирининг 44 ўйинида 46 та гол урди ва 5 та голли узатмани амалга оширди.

Холанд Чемпионлар лигаси тарихидаги энг тез 50 та голда иштирок этган футболчига айланди. У Рууд ван Нистелройнинг рекордини янгилади, унга бунинг учун 45 та ўйин керак бўлган.