Мадриднинг “Реал” клуби ярим ҳимоячиси Жуде Беллингем Испанияда совринни қўлга киритди. Англиялик футболчи Испания чемпионатининг январь ойидаги энг яхши ёш футболчиси деб топилди. Гап 23 ёшгача бўлган ёш тоифасидаги футболчилар ҳақида кетмоқда. Бу ҳақда Ла Лига расмий сайтида маълумот берилган.
Сўнгги бир ой ичида Беллингем Испания чемпионатининг учта ўйинида иштирок этди. Уларда "Реал" ярим ҳимоячиси битта гол урди ва жамоадошларига иккита голли узатмани амалга оширди. Ушбу учта ўйинда "қаймоқранглилар" "Валенсия" (2:1), "Лас-Пальмас" (4:1) ва "Вальядолид" (3:0) клубларини мағлуб этишди.
"Реал Мадрид" айни дамда Ла Лига турнир жадвалида пешқадамлик қилмоқда.
