"Бавария" футболчиси Франк Рибери Европа 2012-2013-йилги мавсумининг энг яхши футболчиси деб топилди. У бугун, ЕЧЛ гуруҳ босқичига қуръа ташлаш маросимидан кейин ўзига аталган совринни қабул қилиб олди.
Франциялик ярим ҳимоячи "Бавария" билан мавсумнинг барча совринлари — ЕЧЛ кубоги, Германия чемпионлиги ва Германия кубогини қўлга киритди. Европа миллий ассоциациялари матбуот котиблари иштирок этган сўровномада ушбу футболчи кўпгина футболчилар билан бирга Криштиану Роналду ва Лионель Мессини ортда қолдирди.