"Ювентус" аъзоси Клаудио Маркизио ва бош мураббий Антонио Конте келиша олмай қолди, деб ёзади Tuttosport.
Хабарда айтилишича, "А"-серияси доирасидаги сўнгги икки баҳсда ("Интер"-3:1, "Верона"-2:2) заявкага кирмай қолган яримҳимоячи ушбу ҳолатдан ўз норозилигини билдирмоқда.
Қайд этиш керак, аввалроқ ОАВда айнан Маркизионинг "кекса синьора" раҳбарияти билан учрашишни ва келажаги масаласини ҳал қилишни истаётгани ҳақида маълумот берилганди. Агар вазият шу ҳолича қоладиган бўлса, унинг ёзда "Ювентус"дан кетиш эҳтимоли юқори бўлиб қолаверади.