Kirish Ro'yxatdan o'tish
28/07 20:00 Nasaf 1-0 Qizilqum
28/07 20:00 Xorazm 1-0 Surxon
28/07 20:00 Neftchi 1-1 Navbahor
29/07 20:00 Dinamo - Qo‘qon-1912

Blog

Abdumutal Abdunazar

«Katta»lar ichidagi «kichik»

Ризқ

Баҳо:
+1; -0

Шахсан мен, Абрамовни Ўзбекистон миллий терма жамоасига бош мураббий бўлганидан бошлаб жуда кўп танқид қилганман. Кераксиз мураббий эканлиги, тажрибаси йўқлиги, Абрамов билан бирон натижага эриша олмаслигимизни "баралла" айтгандим.

Кейинчалик эса Қатардаги Осиё Кубоги баҳсларидан сўнг, Унга бўлган муносабатим деярли 180 градусга ўзгариб кетди. Бугун У ҳақда танқидий фирк билдирган инсонга ғалати нигоҳ билан қарайдиган бўлиб қолдим. У кўрсатган натижалари билан, мени шунга ўтгатди. Айни вақтда Лондон-2012 йўлланмасидан қурқ қолган бўлсак ҳам Карленовичга бўлган муносабатим ўзгаргани йўқ. Бундан кейин ҳам ўзгармайди!

Фикр

Facebook’ ижтимоий тармоғидаги "Футбол+" конференциясида билдирилган фикрлар орасида, бир мухлиснинг олимпиачиларимизнинг кўрсатган натижаси борасидаги изоҳи менга жуда ёқди:

Amir Salyamov: Institutdan maqsad diplom to'g'rimi? 4 kursni oxirgacha o'qib diplom olmasak, hammasi 0 bo'ladiku. Buyam shunaqada.

Ҳақиқатдан ҳам. Жамоа ҳар қанча зўр ўйин кўрсатмасин, ҳар қанча ғалаба қозонмасин, керакли паллада, керакли натижани қайд этмаса ва талаб қилинган иш амалга ошмаса, ўша жамоанинг аввал кўрсатган натижалари "копейка" бўлиб қолади. Бунга Ироқ ва БАА олимпиачиларига қарши ўйиннинг ўзидаёқ шоҳид бўлгандик. Уммонга қарши ўйинда эса учинчи марта бунинг тасдиғини кўрдик. Яни, Амир Салямов айтганидек, 4 йил ўқиб якунда дипломсиз қолишимиз, йиллаб тайёргарлик кўриб оҳир-оқибат борган жойимиз плей-офф бўлиши билан баробардир.

Ишонч

Шахсан мен дарвозамиздан иккинчи тўпни ўтказиб юборганимиздан кейин ҳам, дуранг қила олишимизга ишонгандим. Хатто, 85-дақиқа ўтиб бораётган бир паллада, олимпиачиларимиз битта гол уриб олишса албатта голдан руҳланишади ва вазиятни биз томонга ўзгартира олишади, деган сўз ич-ичимда бонг ураётганди. Афсуски ундай бўлиб чиқмади...

...14 март куни БАА билан ўйин якунланишидан 10 дақиқа олдин, журналистлар учун ажратилган жойдан, матбуот анжуманлар залига тушиб кетмоқчи бўлдим. Аниқроғи эртароқ футболчилар ва мураббийларни ечиниш хонасига "кузатмоқчи", Абрамовга эса далда бермоқчи эдим. Афсуски ўйиндан кейинги матбуот анжуманига журналистларни хавфсизлик ҳодимлари бироз кечроқ қўйиб юборишди.

Лекин режам ўзгармади. Матбуот анжуманининг иккинчи қисмида Абрамов иштирок этди. Пресс-конференциядан чиқишда фақатгина Зафар Қосимов, Вадим Абрамов ва Шухрат Мақсудовга ўйин учун миннатдорчилик билдирди холос. Бир кун аввал аввал қарсаклар билан кутиб олган журналистлар, ўша куни сукут ила Абрамовни "еб қўяй" дейишаётганди. Ўша вазиятда мен ҳам Абрамовга бирон нима демоқчи бўлдим. Лекин кўпчилик борлиги учун, тўғриси бироз уялдим. Аммо фикримдан қайтмадим. Чунки унга далда керак, деб ўйлаётгандим.

"Жар" стадионидан чиқишда арабларнинг қайсидир канали ўз муҳлислари билан байрам қилаётган эди. Ва ушбу байрамни ўз каналларига Тошкентдан туриб тўғридан-тўғри намойиш ҳам қилишаётганди. Уларга қараб бир жаҳлим чиқди, бир эса хавас қилдим. Абрамов томон шошдим. У боши эгик, кайфияти йўқ, тушкун холатда Шухрат Мақсудов билан бирга кетаётган эди. Тўҳтатдим:

-Вадим Карленович, мағлубиятдан хафа бўлманг. Умидни сўндирманг. Руҳингизни туширманг. Биз Сизга ишонамиз. Албатта ижобий натижа қайт этамиз. Кейинги ўйинларда ҳам бутун Ўзбекистон Сизлар билан....

Вадим Абрамов: Да, спасиба, спасиба болшая..

Шухрат Мақсудов: раҳмат катта..

Шахсан мен, Абрамовга ишонгандим. Ишончимни оқлашига, ишонгандим. Йўқ, Сиз тушунган маънода ёки бошқалар изоҳлаган тарзда "ишонгандим" эмас. У натижа кўрсатишига ишонгандим, умид қилгандим. Чунки унинг психологик жиҳатдан ўта кучли мутахасис эканлигини билардим. Одамларни тушуниш доираси ҳам анча кенглигига, матбуот анжуманидаги фикрлари орқали ва футболчиларга руҳий жиҳатдан аъло даражада далда бера олишини қисман билардим. Буни ўша Япония билан ўйин бошланишидан аввал футболчиларга айтган фикрларидан ҳам билсак бўлади.

Уммон билан ўйинда эса...

...Абрамов бугун хато қилгани йўқ. Абрамов олдинроқ, Ироқ билан ўйиндаёқ хато қилганди. Ўша ўйин, биз олимпидага чиқмаслигмизни англатиб бўлган экан аслида. ЙЎҚ(!), бу фикрим ҳам нотўғри! Аслида, Ироқ - БАА учрашувида майдонда тушган Жасим Файсал бизни тақдиримизни ҳал қилиб бўлган экан. Бу ҳам Яратганнинг иши. Агар У хоҳламаса, БААни ютган тақдиримизда ҳам Лондонга бора олмаслимиз мумкин эди. Қандайдир сабаб, қандайдир изоҳлар бунга йўл қўймслиги ҳам мумкин эди.

Бир одам олимдан, ризқ нима деб сўраган экан. Олим эса, юзингга бир мушт ейишинг ҳам, овқатсиз қолиб оч қолишинг ҳам, бой бўлиб кетишингу, камбағал бўлишинг ҳам ризқ. Умуман барча нарса инсон учун ризқ, деган экан. Жасим Файсалнинг иккита сариқ карточка билан майдонга тушиши ва БАА олимпиачиларига 3 очко ёзилиши ҳам, араблардан аламли тарзда ўз уйимизда мағлуб бўлишимиз ҳам, Ветьнамга бориб у ердан ҳам қуруқ қўл билан қайтишмиз ҳам, бизнинг ризқимиз экан аслида. Буни инкор қила олмаймиз. Инкор қилишга ҳаққимиз ҳам йўқ. Нима ҳам қилардик!...

Асосийси ҳаёт давом этади...

Абрамовдаги тушкун холатни тасаввур қилиб, ўзимдаги руҳий тушкунликдан чиқиб кетяпман. Чунки, Сизу биздан кўра, бугун унга қийин... жуда ҳам қийин...

Киритилган сана: 30.03.2012 01:32. Ўкилди: 15924 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.


счётчик