Kirish Ro'yxatdan o'tish
01/05 00:00 Bavariya - Real Madrid
01/05 00:00 Bavariya 2-2 Real Madrid
02/05 00:00 Borussiya D 1-0 PSJ
02/05 20:30 Iroq - Indoneziya
02/05 23:30 Chelsi - Tottenhem
03/05 20:30 Yaponiya - O‘zbekiston
03/05 22:00 Tuluza - Monpelye
03/05 23:45 Torino - Bolonya
04/05 00:00 Luton - Everton
04/05 00:00 Lans - Loryan
04/05 00:00 Xetafe - Atletik Bilbao

Blog

Abdumajid Qodirov

O‘zbekiston futboli jahonda!

Умидимиз сиздан, азиз ёшлар!

Баҳо:
+1; -0

Дунёда нима кўп, спорт турлари кўп. Лекин улар орасида футбол уйини ўзининг жозибаси билан алоҳида ажралиб туради, бу ҳакиқат. Майли, болалик вақтидами, барибир умрида бирор марта футбол ўйнамаган ёки футбол томоша қилмаган инсонни учратиш мушкул, менимча.

Ўзбекистон ёшлар терма жамоасининг йигирма ёшгача бўлган футболчилар ўртасида Жаҳон чемпионатининг биринчи турида Янги Зеландия жамоаси устидан ажойиб ғалабани қўлга киритганидан бошим осмонга етди. Албатта, бу ғалаба ўз-ўзидан бўлгани йўқ. Бу йирик ҳисобдаги натижа ёшлар терма жамоаси мураббийлар штабининг ақлли меҳнатлари эвазига тузилган тактика деб ҳисоблайман, албатта.

Ўзим болалар ва ўсмирлар футбол мактабида тренер-ўқитувчи бўлиб фаолият кўрсатаётганим боис, кўпинча ўсмирлар ва ёшлар ўртасидаги футбол мусобақасига бефарқ эмасман. Демоқчиманки, шу кунги ғалаба шунчаки тасодифан эмас, ўзининг тактик услубига эга жамоа шаклланганлигининг гувоҳи бўлдим, кўз тегмасин. Ростини айтсам, ғалабанинг ғалабадан фарқи борда. Ёшларимизнинг мана шундай ажойиб, чиройли, ҳужумкор ақлли ўйини биз мухлисларнинг олқишига сазовар бўлгани бор гап. Яна бир гап, шу ёшларимизнинг чиройли тактик ўйини орқали эришилган ғалабаси туфайли мен яна катта футбол томоша қилишга қайтдим ва яна менда терма жамоаларимизга деган умид чироғи ёна бошлади, баракалла ёшлар. Бу ёшлар эртанги келажагимиз саналади. Улар мустақиллигимизнинг 22 йиллик байрамига муносиб совға тайёрлашади деб умид қиламан.

Бу жаҳон чемпионатида Ўзбекистон МДҲ ва Болтиқбўйи давлатлар орасидан ягона вакил сифатида қатнашаётгани, юртимизда болалар футболига катта эътибор қаратилаётганининг яна бир бор исботидир. Давлатимиз мадҳияси жаҳон ареналарида янграши, кўнгилларимизда янада завқ бағишлайди.

Юртбошимиз томонидан ёшларининг ҳар томонлама соғлом бўлиб улғайишлари учун барча шарт-шароитлар яратилиб берилган Ўзбекистонимизда чин иқтидор соҳиблари доимий эътиборда. Айниқса, эртанги кун эгалари бўлмиш болаларни спортга, айниқса футболга кенгроқ жалб этиш борасида амалга оширилаётган саъй-ҳаракатлар жаҳон ҳамжамияти эътриофига сазовор бўлмоқда.

Ўзбекистон футбол иқтидорларга бой давлат. Болалар футболини ривожлантирмай туриб, юқори савиядаги катталар футболига эришиб бўлмайди. Юртимизда кўплаб маҳоратли футболчи болалар тайёрланмоқда, бу ҳеч кимга сир эмас, болалар эса эртанги келажагимиз. Бизнинг ҳозирда энг асосий вазифамиз ана шу келажагимизни эҳтиёт қилиш. Токи бугунги ўсмирлар ва ёшлар эртага миллий терма жамоамизни янгидан янги ғалабалар сари етаклашсин!

Азиз ёшлар, сизлар юртимиз юзисизлар. Жаҳон чемпионатида Ватан манфаати учун курашинглар. Кўнглимиздан жой топиб, юртимизга ёруғ юз билан келишингизга тилакдошман. Умидимиз сиздан, укажонларим.

Киритилган сана: 26.06.2013 15:05. Ўкилди: 4986 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.