O‘zbekiston milliy terma jamoasi 21–24 yanvar kunlari Birlashgan Arab Amirliklarida navbatdagi o‘quv-mashg‘ulot yig‘inini o‘tkazadi.
O‘zbekiston Futbol Federasiyasi va Daniya Futbol Federasiyasining o‘zaro kelishuviga ko‘ra, yig‘in doidasida Samvel Babayan shogirdlari 22 yanvar kuni Daniya U-23 terma jamoasiga qarshi o‘rtoqlik uchrashuvida maydonga tushadi. Mazkur uchrashuv Dubay shahridagi Sevens stadionida, Toshkent vaqti bilan 17:00 da start oladi.
Oldinroq yig‘in doirasida O‘zbekiston terma jamoasi 23 yanvar kuni Gruziya bilan o‘rtoqlik o‘yini o‘tkazishi haqida xabar berilgandi.
BAAdagi yig‘inga boradigan tarkib murabbiylar shtabi tomonidan keyinroq e’lon qilinadi. Bo‘lajak o‘yinlar O‘zbekiston terma jamoasi uchun JCH–2018 turniriga uchinchi saralash bosqichi ikkinchi davrasiga tayyorgarlik vazifasini o‘taydi.
Ma’lumot o‘rnida, O‘zbekiston milliy terma jamoasi 12 fevral kuni Turkiyaning Antaliya shahridagi o‘quv-mashg‘ulotlarida Armaniston terma jamoasi bilan o‘rtoqlik uchrashuvi o‘tkazadi.
