Kataloniyaning "Barselona" jamoasi 2016 yilning yozida 6 nafar futbolchini sotib olish uchun 122.75 million yevro sarfladi. Xo‘sh ana shu o‘yinchilar mavsumni qanday o‘tkazishmoqda? Quyida bu savolga javob topishingiz mumkin.
1. Lukas Din
"Barselona" Dinni "PSJ"dan 20,5 million yevro evaziga sotib oldi va u bilan 5 yillik shartnoma imzoladi. Fransiyalik 23 yoshli himoyachi jamoaga tezda moslashib keta oldi. U ushbu mavsumda 18 o‘yinda maydonga tushib 1 ta gol urdi.
2. Andre Gomesh
Ronaldu bilan Yevropa chempioni bo‘lgan Gomesh "Barselona" bilan 5 yillik shartnomaga qo‘l qo‘ydi. Kataloniyaliklar 23 yoshli yarim himoyachi uchun "Valensiya"ga 55 mln.evro to‘lashgandi. Gomesh hozircha chempionatda 13, barcha musobaqalarda esa 23 ta uchrashuv o‘tkazdi. Biroq hozircha u "Barsa" libosida o‘z nomini tabloga yozdirib qo‘ya olganicha yo‘q. Umuman olganda Andre o‘zi uchun sarflangan pullarning 10 fozini ham oqlamadi, hozircha.
3. Yasper Sillessen
Gollandiyalik posbon Kataloniyaliklarga 15 mln.evroga tushdi. 27 yoshli kiper jamoaning asosiy darvozaboni bo‘la olmayapti. Hozircha u Ter Shtegenga o‘rinbosar vazifasini o‘tamoqda. "Ayaks"dan harid qilingan Yasperga Enrike chempionatda 2 ta boshqa turnirlarda 2 ta o‘yinda ishonch bildirdi. Biroq Sillessen bu ishonchni oqlay olgani yo‘q. Shu bois ham zaxira o‘rindig‘ida, nemis raqobatchisining "jarohat olishini" kutib o‘tiribdi.
4. Pako Alkaser
23 yoshli hujumchi uchun "Barselona" 30 million yevrodan ortiq mablag‘ sarfladi. Biroq Pako Kataloniyada Valensiyadagi sermahsullik namoyish eta olmayapti. Messi, Suares va Neymar kabi hujumchilar raqobatlashishiga to‘g‘ri kelayotgan Alkaser hozircha 13 ta bellashuvda ishtirok etdi va kubokda bitta gol ura oldi xolos. Pako jamoa uchun omadsiz transfer bo‘lib turibdi.
