"Arsenal" yarimhimoyachisi Mesut O‘zil o‘zining "O‘yin sehri" avtobiografiyasida londonliklar safiga o‘tishdan avval bosh murabbiy Arsen Vengerga qo‘ng‘iroq qilganini esladi.
Nemis futbolchisi bosh murabbiy bilan ixtilof tufayli "Real"ni tark etishga majbur bo‘lgan.
"Men hech qanday yomon ish qilamgan bo‘lsamda, bosh murabbiyning ko‘ziga yomon ko‘rinib qoldim. Menga asosiy tarkibdagi o‘rinni hech kim kafolatlamas edi, shuning uchun harakat qilish lozim edi. Bu mening faoliyatim uchun muhim eedi. Shunda Arsen Vengerga qo‘ng‘iroq qildim.
"Janob Venger, boshqa klubga o‘tish imkoniyatim tug‘ilsa, sizga qo‘ng‘iroq qilishga va’da bergandim. Endi shunday imkoniyat bor", - dedim.
Aslida, "Real"dan "Arsenal"ga o‘tish - hayotimdagi eng qiyin qaror edi. Ammo men o‘ynashni istardim. Vengerning oqilona so‘zlari meni o‘z jamoasida ko‘rishni istayotganiga ishontirdi", - deb yozadi O‘zil.
