Qatar poytaxti Doha shahrida o‘quv-mashg‘ulotlar yig‘inini o‘tkazayotgan O‘zbekiston U-22 terma jamoasi kecha, 25 mart kuni Kanada U-23 termasiga qarshi kuch sinashdi.
“Al-Xor” stadionida o‘tkazilgan bellashuvda Jasur Abduraimov bosh murabbiyligidagi jamoa 0:1 hisobida imkoniyatni boy berdi. Avvalroq o‘zbekistonlik yoshlar Qatar U-22 termasiga qarshi bahs olib borib, 3:1 hisobida zafar quchgandi.
Mazkur o‘quv-mashg‘ulotlar yig‘ini O‘zbekiston U–22 terma jamoasi uchun 2018 yili Xitoyda bo‘lib o‘tadigan U-23 Osiyo chempionatiga saralash bosqichi uchun tayyorgarlik vazifasini o‘taydi. Saralash bosqichi 15–23 iyul kunlari BAAda bo‘lib o‘tadi.
O‘rtoqlik uchrashuv
Doha, Qatar
25 mart, shanba
O‘zbekiston U-22 — Kanada U-23 — 0:1
O‘zbekiston: Botirali Ergashev, Rustam Ashurmatov, Doston Tursunov, Akramjon Komilov, Husniddin G‘ofurov (Xushnudbek Avilov, 45), Abdujamol Isroilov, Aziz G‘aniyev (Doston Ibragimov, 69), Jasur Yaxshiboyev (Andrey Sidorov, 72), Javohir Qahromonov (Jamshid Yusupov, 69), Hurshid G‘iyosov (Javohir Siddiqov, 45), Zabihillo O‘rinboyev.
