O‘zbekiston birinchiligining 2-turida ”Sementchi” – “Xorazm” o‘yini bo‘lib o‘tadi.
“Xorazm” jamoasi boshqaruvini ushbu mavsumdan boshlab yangi bosh murabbiy Aleksandr Yejov o‘z qo‘liga oldi. Ushbu murabbiy mavsum avvalidan jamoa tarkibini sezilarli darajada kuchaytira olishga erishdi. Tarkibga bir qator futbolchilarni jalb qildi. Xususan “Sementchi” jamoasining nukuslik xujumchisi Nurlibek Talasbayevni, o‘tgan mavsum “Olmaliq” jamoasida harakatlangan tajribali ximoyachi Aybek Nurboyevni va yana bir qator yetakchi futbolchilar bilan jamoa tarkibini kuchaytirib oldi deyish mumkin.
O‘tgan mavsumda “Xorazm” jamoasi 32 ta uchrashuvda maydonga tushib 12ta g‘alaba, 6ta durang va 14 bor mag‘lubiyatga uchragan. Raqiblar darvozalariga 56ta to‘p kiritib o‘z darvozalaridan 50ta to‘p o‘tkazib yuborgan. Mavsum yakuniga ko‘ra “Xorazm” 42 ochko to‘plab, turnir jadvalini 7-pog‘onada yakunlagan.
“Sementchi” shu kungacha “Xorazm” klubi bilan o‘zaro rasmiy o‘yinlarda 5 marotaba ro‘baro kelgan. O‘tkazilgan 4ta uchrashuvda jamoamizning qo‘li baland kelgan bo‘lsa 1ta uchrashuvda urganchliklar g‘alaba qozongan.
2015 yil 17 may.
"Xorazm" – "Sementchi" 1:0
2015 yil 10 sentyabr
"Sementchi" - "Xorazm" 4:0
2016 yil 5- iyun 13-tur
"Xorazm" – "Sementchi" 1:2
Gollar: Erbol Seytnazarov, Raxmatillo Meliboyev 2ta
2016 yil 12 noyabr 23-tur
“Sementchi- “Xorazm” 5:0
Gollar: Davron Mamatov (30), Jamshid Qobulov (33), Raxmatillo Meliboyev (47), Elyor Mamasoliyev (51), Otabek Axmadjonov (76)
4 aprel seshanba kuni “Sementchi” markaziy stadionida 2-tur uchrashuvlari doirasida bo‘lib o‘tadigan “Sementchi” - “Xorazm” uchrashuvi soat 15:30 da boshlanadi.
O‘yinda quyidagi rasmiylar ish olib boradi.
Xakamlar: D.Pislegin (Toshkent), I.Nosirov (Namangan), E.Tursunov (Namangan)
Inspektor: I.Raximov (Andijon)
