“Qo‘qon-1912”-“Dinamo” (2:1) uchrashuvidan keyin o‘tkazilgan matbuot anjumanida mezbonlar ustozi No‘’mon Hasanov qatnashdi.

"O‘yinni ko‘rdingiz, ancha jangovor ruhda o‘tdi. Samarqandliklar ham shiddatli o‘yin namoyish etishdi. Birinchi bo‘limda yaxshi o‘ynay olmadik. Lekin gol urdik. Ikkinchi taymda vaziyatni o‘zgartira oldik. Natijada g‘alaba qozondik. “Dinamo” menda yaxshi taasssurot qoldirdi.
Bizda uchta bir xil saviyadagi darvozabonlar borligi bois ularning barchasiga o‘ynash imkoniyat berishimiz kerak.

O‘tkazib yuborilgan golda darvozabonni ayblay olmayman. Aksincha u bir nech bor jamoamizni muqarrar gollardan qutqarib qoldi.

O‘yindan oldin shogirdlarim raqibni biroz mensimay maydonga tushishidan xavotirga tushgandim. Chunki, ularni o‘rtoqlik uchrashuvidan 6:1 hisobida mag‘lubiyatga uchratgan edik. Lekin futbolchilarimiz maydonda borlarini berib harakat qilishdi" - dedi Hasanov.