Oliy liga 18-turining markaziy uchrashuvlaridan biri Qarshi shahridagi “Markaziy” stadionda bo‘lib o‘tdi. Unda “Nasaf” va “Bunyodkor” jamoalari o‘zaro bahs olib borishdi.

Uchrashuvga start berilgandan maydonda keskin kurash boshlandi. “Nasaf” uchrashuvning dastlabki 15 daqiqasida juda faol bo‘ldi. Ammo vaqt o‘tgan sayin tashabbusni "Nasaf" raqib jamoaga berib qo‘ydi. Shundan so‘ng jamoalarning maydondagi qarshiligi tenglashdi. Uchrashuvda “Nasaf” birinchi bo‘lib hisobda oldinga o‘tib olish imkoniga ham ega bo‘ldi. Ammo bu imkoniyatdan foydalanishni iloji bo‘lmadi.

Uchrashuvning 34-daqiqasida mehmonlar 11 metrlik jarima to‘pi tepish imkoniga ega bo‘lishdi. Otabek Shukurov penaltini aniq amalga oshirib, jamoasini hisobda oldinga olib chiqdi – 0:1. Birinchi bo‘lim ana shu hisobda yakunlandi.

Ikkinchi bo‘lim boshidan qarshiliklar hujumlarga zo‘r berishdi. Ular raqib jamoaga nisbatan maydonda ustunlikka ham erishdi. Ketma-ket tashkil etilgan hujumlar orqali gol urish uchun ko‘plab imkoniyatlar yaratildi. Ammo bugun hech qaysi futbolchi “Bunyodkor” darvozasiga yo‘l topa olmadi.

Faqat uchrashuvning 88-daqiqasida tezkor tashkil etilgan hujumda Bobir Abduxoliqov raqib darvozasini ishg‘ol qildi, ammo uchrashuv hakami o‘yindan tashqari holat deb, golni hisobga olmadi.

Ikkinchi bo‘limda hujumkor o‘yin namoyish etgan jamoamiz, raqib darvozasiga yo‘l topa olmadi. Ulardan omad ham yuz o‘girdi. Ba’zi vaziyatlarda Suhrobjon Sultonov ham o‘z darvozasini muqarrar gollardan asrab qoldi.

Shunday qilib, "Nasaf" o‘z maydonida ilk marta mag‘lub bo‘ldi. Qimmatli uch ochkoni boy berdik.

O‘zPFL 18-tur
“Nasaf” (Qarshi) – “Bunyodkor” (Toshkent) 0:1.  8517 tomoshabin
18.08.2017. “Markaziy” stadion. 19:30da
Hakamlar: Zokirjon Qodirov (Navoiy), Obid Jumayev (Navoiy), Ruslan Samandarov (Navoiy), Zaxira hakami: Shuhrat Rajabov (Buxoro)
Nazoratchi: Sardor Najafaliyev (Toshkent)
O‘zPFL vakili: Bobur Haydarov.
Gol: Otabek Shukurov, (pen.) 34’-0:1.
“Nasaf”: 35.Sanjar Quvvatov, 2.Akmal Shorahmedov (s), 6.Azizjon G‘aniyev (45.Bobir Abduxoliqov 79), 7.Odiljon Hamrobekov, 15.SHaxboz Erkinov (20.Islom Kenjaboyev 57), 18.Bahrom Abdurahimov, 22.Igor Golban, 34.Farruh Sayfiyev, 69.Dragan Cheran, 77.Jasur Hasanov (14.SHarof Muhitdinov 70),  92.Umarbek Eshmurodov,
“Bunyodkor”: 32.Suhrobjon Sultonov, 3.Islomjon Qobilov, 4.Akrom Komilov, 6.Anvar G‘ofurov, 8.Javlon Ibrohimov (s), 9.SHahzodbek Nurmatov (11.Vadim Chemirtan 62), 17.Dostonbek Hamdamov (30.Xurshid G‘iyosov 82), 21.Dilshodbek Ahmadaliyev, 22.SHohrux Gadoyev, 29.Otabek Shukurov, 44.Mirjamol Qosimov (28.Davronbek Umirov 68).
Ogohlantirishlar: Azizjon G‘aniyev (33), Shaxboz Erkinov (43) – Shohrux Gadoyev (19), Javlon Ibrohimov (32), Akramjon Komilov (43), Otabek Shukurov (89).