22-turda "Paxtakor" Toshkent derbisida "Lokomotiv"dan kichik hisobda ustun keldi.

Hujumlarga boy tarzda kechgan uchrashuvda jamoalarda gol urish uchun ko‘plab imkoniyatlar yuzaga keldi. 12-daqiqada Sergeev to‘pni darvozaga yo‘llashga urindi va Nesterov mahoratini ko‘rsatdi. 21-daqiqada Bobojonovning birga-bir holatda tepgan to‘pini Lobanov qaytarib qoldi. 24 va 29-daqiqalarda Sergeev va Kanyukning urinishlarini mezbonlar posboni ishonchli harakati bilan bartaraf etdi.

Ikkinchi bo‘lim boshida "Lokomotiv" tashabbusga erishdi. 67-daqiqada Lobanov jamoasini goldan saqlab qoldi. Bir vaziyatning o‘zida Sasha Bobojonov hamda Turopovning yaqin masofadan bergan zarbalaridan keyin to‘pni qaytardi. Keyinroq Kanyuk va Ibrohimovning urinishlari Nesterov tomonidan bartaraf qilindi. 82-daqiqada o‘yin taqdirini hal qilgan gol urildi. Kanyukning jarimadan oshirgan to‘pini Simich boshi bilan darvozaga aniq yo‘lladi - 0:1. Shu tariqa Marko Oliy ligada gollar hisobini ochdi.

90-daqiqada Lobanov yana bir mahorat namoyish etib, Aliboyevning zarbasini qaytardi. 1:0 hisobida g‘alaba qozongan "Paxtakor" 38 ochko bilan 2-pog‘onaga ko‘tarildi.

"LOKOMOTIV" - "PAXTAKOR" - 0:1 (0:0)
21 sentyabr. Toshkent. "Lokomotiv" stadioni. 5821 tomoshabin.
Hakamlar: V.Seytlin, M.Saidqosimov, R.SHoyaxmetov.
Nazoratchi: A.Xotamov.
"Lokomotiv": Nesterov, Zoteev, Maxaradze, To‘xtaxo‘jayev, Mustafoyev, Kapadze, Aliboyev, Mirzayev, Masharipov, Blessing (Turopov, 66), Bobojonov (Omonov, 79).
"Paxtakor": Lobanov, Kozak, Simich, A’zamov, Hoshimov, Ahmedov, Griffits (Ismatullayev, 69), Nurullayev (Tojiyev, 88), Kanyuk, Bezerra, Sergeev (Ibrohimov, 78).
Gol: Simich, 82 - 0:1.
Ogohlantirishlar: Aliboyev, 71. Hoshimov, 74. Nurullayev, 86. Kapadze, 90+3.