O‘zbekiston kubogi yarim finali javob uchrashuvlari shu haftaning 6-7 oktyabr kunlari bo‘lib o‘tadi. “Nasaf” 7 oktyabr, shanba kuni Qarshi shahridagi “Markaziy” stadionda “Lokomotiv” jamoasi bilan kuch sinashadi. Uchrashuv soat 18:00da boshlanadi.

O‘zbekiston Kubogi-2017. Yarim final javob uchrashuvi
“Nasaf” (Qarshi) – “Lokomotiv” (Toshkent)
07.10.2017. “Markaziy” stadion. 18:00
Bosh hakam: Vladislav Seytlin (Toshkent)
Qanot hakamlari: Timur Galeev (Toshkent), Akbar Po‘latov (Toshkent)
Zaxira hakami: Isxax Ibragimov (Nukus)
Nazoratchi: Aleksandr Popov (Toshkent)
Dastlabki uchrashuv – 1:3.

Esingizda bo‘lsa, FIFA hakami Vladislav Seytlin mazkur jamoalar o‘rtasidagi Samarqandda bo‘lib o‘tgan 2016 yilgi final uchrashuvini ham boshqargan edi.

O‘zbekiston kubogi yarim finalida “Nasaf” bungacha yetti marta ishtirok etgan. Shularning oltitasida g‘olib bo‘lib, finalga yo‘l olgan.

Bu yilgi yarim final "Nasaf" ustozi Ro‘ziqul Berdiyev o‘z shogirdlarini oltinchi marta yarim final uchrashuvlarida maydonga boshlab tushmoqda.

2003 yilda qarshiliklar "Navbahor" bilan yarim finalda kuch sinashgan va dastlab finalga chiqqan. 2011 yili “Nasaf” yarim finalda “Bunyodkor”ni, 2012 yil “Buxoro”ni, 2013 yil “Paxtakor”ni mag‘lub etib, finalga yo‘l olgan edi. 2014 yili ham qarshilik futbolchilar kubok yarim finalida ishtirok etishgan ammo, ikki o‘yin natijasiga ko‘ra “Bunyodkor” (0:1, 1:1) finalga yo‘l olgandi. 2015 yili “Lokomotiv” bilan yarim finalda tuqnash kelgan va qashqadaryoliklar  (2:0, 0:1) mag‘lub etib finalga yo‘l olgan edi. 2016 yili o‘zingizga ma’lum, “Nasaf” yarim finalda “Buxoro”ni mag‘lub etib (2:0, 2:1) finalga chiqqan.

Bu yil “Nasaf” kubok yarim finalida ikkinchi marta “Lokomotiv” bilan tuqnash kelmoqda.

Xabaringiz bor, ushbu jamoalar o‘rtasidagi yarim finalning dastlabki uchrashuvi 2 avgust kuni Toshkentda bo‘lib o‘tgan. Unda "Nasaf" 1:3 hisobida mag‘lubiyatga uchragan edi. Uchrashuvdagi gollarni Marat Bikmayev (2), Murod Bobojonov va Dragan Cheran kiritishgan.

Qiziqarli faktlardan biri, hozirgi paytda "Nasaf" sharafini himoya qilayotgan tajribali yarim himoyachimiz Jasur Hasanov 2015 yilgi yarim final uchrashuvlarida “Lokomotiv” safida maydonga tushgan.

O‘zingizga ma’lum, “Lokomotiv” jamoasi safida to‘p tepayotgan Shuhrat Muhammadiyev, 2015 yilgi yarim final uchrashvilarida “Nasaf” tarkibida maydonga tushgan. Hatto u Qarshida bo‘lgan dastlabki uchrashuvning eng yaxshisi ham bo‘lgan.

“Nasaf” – “Lokomotiv” jamoalari o‘rtasidagi har qanday bahs qiziqarli va murosasiz kurashlarga boy tarzda o‘tadi. Shu bois bu ikkala jamoa o‘rtasidagi uchrashuvlarni tomosha qilish  futbol ishqibozlariga ham katta zavq beradi.

Shunday ekan, 7 oktyabr, shanba kuni muxlislarni “Markaziy” stadionda kutib qolamiz.