Uchrashuv yakunlangach, jamoamiz bosh murabbiyi Viktor Kumikov o‘yin borasida o‘z fikrlarini aytib o‘tdi.
-Bu uchrashuvda ijobiy natijani qo‘lga kiritishimiz ruhiy bosimni yengib olishimiz uchun muhim edi. Negaki, jamoamizni noxush holat, "qora kunlar" qamrab olgandi. Ketma-ket uch o‘yinda mag‘lubiyatga uchradik.
Umuman uch yarimta o‘yinda yutqazayotgandik. Futbolchilar iroda namoyish etib mana shu ruhiy vaziyatdan chiqib keta olishdi.
O‘yin og‘ir o‘tdi. So‘nggi daqiqalarda gol urib g‘alaba qozondik. Umid qilamanki, keyingi o‘yinlarda ham muvaffaqiyatli yurishni davom ettiramiz.
