Nihoyat qo‘qonlik futbol ishqibozlarining orziqib kutgan kunlari keldi. Bugun Qo‘qon shahridagi zamonaviy ko‘rinishga kelgan “Markaziy” o‘yingohda haqiqiy futbol bayrami. Bugun “Markaziy”da yangi mavsumning ochilish uchrashuvi bo‘lib o‘tadi. Ochilish uchrashuvini yuqori darajada o‘tkazish uchun keng ko‘lamli ishlar amalga oshirilgan.

Marosimda O‘zbekiston Milliy olimpiya qo‘mitasi prezidenti va O‘zbekiston futbol assosiasiyasi 1-vise-prezidenti Umid Ahmadjonov ishtirok etadi.

Shuningdek, bugun bo‘lib o‘tadigan “Qo‘qon-1912” – “Navbahor” uchrashuvidan oldin bo‘lib o‘tadigan tadbir o‘ziga xosligi bilan ajralib turadi hamda muxlislar uchun unutilmas onlarni taqdim etadi, deb umid qilamiz.

Bugungi “Vodiy derbi”si soat 18:00da boshlanadi. Barcha muxlislarimizni yangi chiroy ochgan stadionimizga chorlab qolamiz. Zero, qo‘qonlik futbol muxlislari har doim mamlakatimizda yetakchilaridan biri bo‘lib kelishgan.

O‘tkazib yubormang, bugun soat 18:00da Qo‘qondagi “Markaziy” stadionda “Qo‘qon-1912” – “Navbahor” uchrashuvi bo‘lib o‘tadi.