Superliganing 6-turida “So‘g‘diyona ” o‘z maydonida Namanganning “Navbahor” jamoasini qabul qildi va 3:2 hisobida irodali g‘alaba qozondi. O‘yindan so‘ng “So‘g‘diyona” jamoasi bosh murabbiyi Sergey Lushchan matbuot anjumaniga qatnashdi.
- G‘alabaga ko‘pchilik guvoh bo‘ldi. 2:0 hisobida ortda qolib, yakunda 3 ta gol urib g‘alaba qozondik. Bundan juda xursandman. Jamoa bilan tanishish chog‘ida bir jihatga xursand bo‘ldim. Bu ham bo‘lsa jamoaning o‘z xarakteri bor va ular bugun buni namoyon eta olishdi. Keyingi o‘yinlarga tayyorgarlik ko‘ramiz va ishonamizki “So‘g‘diyona” hali jizzaxliklarning qanday g‘alabalarga haqli ekanligini ko‘rsatib bera oladi.
Ikkinchi bo‘limdan oldin kiyiinish xonasida shogirdlaringizga qanday ko‘rsatma bergan edingiz?
- Deyarli xech nima. 2:0 hali mag‘lubiyat emasligini aytib o‘tib xatolarni ko‘rsatib o‘tdim. Shunday jamoalar bor yirik hisobda mag‘lubiyatga uchrab g‘alabaga erishishishadi. Birinchi golni urganimizdan so‘ng jamoani ishontira olganimni tushundim. Oldinda bizni ko‘p ishlar kutayapti. Ishlashda davom etamiz”, deydi Sergey Lushchan
- Ko‘rib turganingizdek,birinchi bo‘lida mag‘lubiyatga uchrab turgandik. Ikkinchi bo‘limda jamoa o‘z xarakterini namoyish etdi. Bizni qo‘llab-quvvatlagan muhlislarga rahmat aytamiz. Bundan keyin tuxtamay faqat g‘alaba uchun kurashamiz-deydi Dilmurod Karimov
“So‘g‘diyona” PFK matbuot xizmati
