Madridning «Real» klubi yozda hujum chizig‘ini kuchaytirishni istamoqda va biror-bir top-forvard bilan shartnoma imzolamoqchi.

Ularning short-listida Robert Levandovski («Bavariya»), Neymar («PSJ») va Xarri Keyn («Tottenxem») kabi nomlar o‘rin olgan.

Biroq ba’zi manbalar xabariga ko‘ra, «qirollik klubi» hujumchisi Krishtianu Ronaldu jamoaga yangi markaziy hujumchi kerak emas deb hisoblamoqda. Uning o‘zi ham mazkur pozisiyada harakat qilishini aytgan.

33 yoshli futbolchi jamoaga hozirda ijara asosida «Valensiya»da o‘ynayotgan «PSJ» futbolchisi Gonsalo Gedesh kerak deb hisoblamoqda.

21 yoshli xavbek joriy mavsum Ispaniya primyerasida 26 uchrashuvda ishtirok etib, 4ta gol urib, 8ta golga asistentlik qilgan.

Oldinroq, polshalik hujumchi Robert Levandovski yozda «Bavariya»ni tark etib, «Real» safiga qo‘shilishga tayyorligini bildirgandi.