Bugun O‘zbekiston Superligasi 8-turi yakuniga yetadi. Turning markaziy bahsi poytaxtimizdagi “Bunyodkor” o‘yingohida kechadi. Unda mamlakat chempioni – “Lokomotiv” yana bir grand klub – “Bunyodkor” qarshiligini yenggishga urinib ko‘radi.
Qayd etish joizki, “Bunyodkor” hamda “Lokomotiv” jamoalarining o‘zaro to‘qnashuvlari hamisha murosasiz ruhda o‘tib kelgan. Ushbu jamoalar hozirga qadar milliy chempionatlarimiz doirasida jami 20 marta o‘zaro bahs yuritishgan. O‘yinlarning 9tasida “qaldirg‘ochlar”, 6tasida esa “temiryo‘lchilar” g‘alaba qozonishgan. Yana 5ta bellashuv durang bilan nihoyasiga yetgan.
“Bunyodkor” vakillari raqib darvozasini 28 marta, “Loko” futbolchilari esa 22 bora ishg‘ol etishga muvaffaq bo‘lishgan.
