Misr terma jaomasi bosh murabbiyi Ektor Kuper JCH-2018 guruh bosqichi 1-turida Urugvaydan uchralgan mag‘lubiyatdan so‘ng (0:1) fikrlarini bildirdi.
"Saloh biz uchun juda muhim o‘yinchi, u bizga hujumda yordam berishi mumkin, navbatdagi o‘yinda maydonga tushsa bizga ko‘p narsa beradi.
Jarohatining qaytalanish xavfi bor, shuning uchun uni bugun maydonga tushirmadik. Ammo navbatdagi o‘yinda u to‘liq tayyor bo‘ladi.
Biz shifokorlar bilan maslahatlashamiz. Ular agar o‘sha joyiga zarba qabul qilib olsa yoki yiqilsa xavf borligini aytishmoqda
Ularning aytishlaricha, Rossiya bilan o‘yinda xavf bo‘lmaydi, Saloh o‘yinga to‘liq tayyor bo‘ladi.
Ertaga Grozniyga qaytamiz va Rossiya bilan o‘yin haqida o‘ylaymiz. Bu mezbonlarga qarshi o‘yin, to‘g‘ri, ammo har doim g‘alaba uchn imkoniyat bo‘ladi", - deydi Kuper.
