21-jahon chempionati musobaqasida atigi 2 ta o‘yin qoldi.  Final va uchinchi o‘rin uchun kurash. Oldinda ikki o‘yin qolganida FIFA televideniyalarni ogohlantirdi.

Sababi... E’tibor bergan bo‘lsangiz, Rossiyadagi mundial bahslarida futbolchilardan tashqari, chiroyli ayollar eng ko‘p namoyish etilmoqda. Bu televideniyelarning reytingini oshirgan bo‘lsa-da, biroq ayrim jinoyatlarning ko‘payishiga  ham sabab bo‘ldi.

FIFA rahbarlaridan biri Federiko Adukki teleekranlarda bir-biridan go‘zal ayol va qizlarning tez-tez namoyish etilishi jinsiy maylning ortishiga olib kelganligini ta’kidladi. Har bir uchrashuvdan keyin dunyoning turli burchaklarida ayol va qizlarga tajovuzlar kuzatilgan.

Xususan, sadoqatli muxlisa ekanligini namoyish etib, o‘zining sevimli terma jamoasi libosida ko‘chada yurgan ayollarga kutilmaganda tajovuzkor erkaklar tomonidan bir necha bor hujumlar qayd etilgan.

Mana bir misol, braziliyalik jurnalist Juliya Gonsalesga futbol bahsidan keyin bir erkak yaqinlashib, undan bo‘sa olgan. Keyin esa zo‘ravonlik qilishga uringan.

Yaxshiyamki, vaqtida polisiya xodimlari kelib, jurnalistni uning changalidan qutqarib qolishgan. Shunga o‘xshash tajovuzlardan keyin ijtimoiy tarmoqlarda noroziliklar ko‘payib ketdi. FIFA esa tezda qaror chiqardi. Agarda televideniyalar bu talabga ko‘nmasa, ulardan translyasiya qilish huquqi olib qo‘yiladi.