O‘smirlar Olimpiya o‘yinlarining kumush medali sohibi Ulug‘bek Rashitov muvaffaqiyatdan so‘ng o‘z fikrlari bilan o‘rtoqlashishdi.
Eslatib o‘tamiz, taekvondochimiz Buenos-Ayresdagi Olimpiadada O‘zbekiston sport delegasiyasiga dastlabki medalni qo‘shib qo‘ydi.
“Birinchi jangimni mo‘g‘ulistonlik raqibga qarshi o‘tkazib, 44:3 hisobidagi g‘alabaga erishdim. Yarim finalda Janubiy Koreya vakilini 21:10 hisobida mag‘lub etdim. Finalda biroz omadim kelmadi va rossiyalik taekvondochiga 8:11 hisobida imkoniyatni boy berdim. Yarim yil oldin Tunisdagi musobaqada ushbu raqibimni 31:28 hisobida mag‘lub eta olgandim.
Umuman, jang davomida raqibimdan yomon harakat qilganim yo‘q. Faqat, o‘zimga bo‘lgan ishonch kamlik qildi. Finalni hisobga olmaganda mo‘g‘ulistonlik sportchiga qarshi jang qiyin kechdi. Ammo, murabbiyim bilan birgalikda unga qarshi to‘g‘ri taktika tanlay oldik.
