Ispaniyaning sobiq futbol yulduzlaridan biri, hozirda La Liga elchisi hisoblangan Luis Garsiya bugun O‘zbekistonga tashrif buyurgani haqida avvalroq xabar bergan edik.
Ushbu tadbirlar avvalida esa, La Liga elchisi bugun Milliy stadionida OAV vakillari hamda mehmonlar bilan uchrashdi.
“O‘zbekistonga tashrif buyurganimdan xursandman. La Liga elchisi sifatida juda ajoyib tashkil etilishi kutilayotgan tadbirlarda ishtirok etaman. O‘ylaymanki, ushbu tadbir La Liga hamda PFL hamkorligidagi ilk tadbir emas. Bu ikki mamlakat futbolining kelajakdagi hamkorligi uchun yaxshi poydevordir”, - dedi Garsiya.
Shuningdek, martabali mehmon O‘zbekistonga tashrif buyurganidan judayam xursand ekanligini va futbol muxlislarini bugungi El Klassiko namoyishini tomosha qilishga undadi:
“Bugun meni kutib olishga chiqqan insonlarni, futbol muxlislarini ko‘rdim va judayam xursandman. Ajoyib mehmondorchilik va e’tibor uchun raxmat. Bugun barchangizni shu ajoyib stadionda kutaman. Bugungi ajoyib bahsni birgalikda tomosha qilish uchun keldim”, deydi Garsiya.
