“Surxon” – “Paxtakor” uchrashuvidan so‘ng mezbonlar ustozi Andrey Miklyayev quyidagicha fikr bildirib o‘tdi:
“Juda jangovar ruhdagi o‘yin o‘tkazdik. Uchrashuv shunday kechishini oldindan bilgan holda hozirlik olib borgan ham edik. Zero “Paxtakor” yurtimizning bayroqdor jamoasi. Qayd etilgan natijadan qoniqdim, deya olaman.
Faqat o‘yin davomida bir qator jihatlar ustida hali ishlashimiz lozim ekani ko‘rindi. Ayniqsa, himoyadan tezkor hujumga o‘tishda hali yana ishlashimiz zarur ekan. Lekin mudofaada ancha yaxshi harakat qila oldik.
O‘z darvozamizdan to‘p o‘tkazib yubormadik. Shunaqangi raqobatbardosh jamoa tuzishga bo‘lgan harakatimizni davom ettiramiz”, - dedi mutaxassis.
