"Manchester Siti" bosh murabbiyi Xosep Gvardiolaning rafiqasi Kristina Serra ikki kun avval Turinga keldi.

Bu haqida Calciomercato nashri jurnalist Paolo Paganiniga tayanib xabar bermoqda.

Manbaga ko‘ra, Serra shaharda bir yillik ijaraga avtomobil olgan. Shundan so‘ng "Yuventus" rahbariyatiga xizmat ko‘rsatadigan kompaniya xizmatlaridan foydalangan.

Eslatib o‘tamiz, "Yuventus" bosh murabbiyi Massimiliano Allegri mavsum tugaganidan so‘ng klubni tark tishini ma’lum qilgan. Shundan so‘ng Xosep Gvardiola turinliklarni boshqarishi haqida mish-mishlar tarqalmoqda.

Italiyada tarqalgan xabarlarga ko‘ra, Gvardiola "Yuve" bilan 4 yillik shartnoma imzolaydi va unga yillik 24 mln yevro maosh beriladi.