"Marca" nashri «Atletiko» hujumchisi Antuan Grizmann va «Barselona» o‘rtasida tuzilgan dastlabki shartnomaning ayrim bandlarini oshkor qildi.
Manbaga ko‘ra, fransiyalik futbolchi 5 yil davomida "ko‘k-anorranglilar" safida jami 105 million yevro ishlab topadi. U faoliyatining dastlabki ikki yilida 18 million yevro yillik maosh olsa, uchinchi mavsumda — 21 million, to‘rtinchisida – 23 million, beshinchi mavsumda esa 25 million yevro daromad topadi.
Ma’lumotlarga qaraganda, tomonlar dastlabki shartnomani 11 mart kuni imzolashgan.
Hozirda futbolchining «Atletiko»dagi yillik maoshi 21 million yevroga teng. Kataloniyaliklar 28 yoshli futbolchi uchun 120 million yevro to‘lashadi.