«Arsenal» klubi sobiq bosh murabbiyi Arsen Venger FIFAning futbolni global rivojlantirish bo‘limi rahbari etib tayinlandi.

70 yoshli mutaxassis erkaklar va ayollar futbolini rivojlantirish masalalari bilan shug‘ullanadi. Shuningdek, futbol qoidalarini boshqarish va joriy qilishga mas’ul bo‘lgan tashkilot — IFAB bilan hamkorlik qiladi. Bundan tashqari, Venger murabbiylarni o‘qitish va sobiq o‘yinchilarni futbol menejmentiga jalb qiladi.

«Yangi lavozimda ish boshlashni intizorlik bilan kutyapman. Buni nafaqat futbol tahlili bilan doimo shug‘ullanib kelganim uchun, balki FIFA missiyasi haqiqatan ham global.

So‘nggi yillarda biz ko‘rgan FIFA har tomonlama o‘yinni rivojlantirishni istamoqda. Bu maqsadga erishish yo‘lida o‘z hissamni qo‘shishim mumkin», – dedi Venger.

Ma’lumot o‘rnida. Venger 22 yil davomida «Arsenal»ni boshqarib, 3 marta Angliya chempionligini qo‘lga kiritgan.