«Liverpul» bosh murabbiyi Yurgen Klopp o‘zining asosiy raqibi «Manchester Siti» ustozi Pep Gvardiola haqida fikr bildirdi.

«Juda ko‘p marta aytganman, u jahonning eng yaxshi murabbiyi. Mening jamoalarim uning klublariga yaqin o‘yin qilishadi, bu tomonlama omadim chopgan.

U o‘z jamoasida aqlbovar qilmas ishlarni amalga oshirmoqda. Ularning o‘yini menga juda yoqadi. Pep bilan ikkimiz ikki xil toifadagi insonlarmiz. Bizning xarakterimiz jamoalarimizda aks etadi.

Shaxs sifatida Pep mendan kuchli. Chunki u jentlmen. Biz bir-birimizni hurmat qilamiz, lekin maydonda ularni mag‘lub etishni istaymiz, bu normal holat.

Ko‘p mavsumlarda u chempionatda g‘olib chiqqan. Germaniyada hamisha g‘oliblikni qo‘lga kiritgan bo‘lsa, Angliyada ham hozircha shunday bo‘lmoqda. Buni oson qabul qilaman. Birinchi bo‘lishni istasam-da, doimo ikkinchi bo‘lish borasida muammo yo‘q», – dedi Klopp.