Ushbu ruknimizdagi eng so‘nggi yangiliklar bilan tanishtirishda davom etamiz.
Atletikoga polyak kerak
Madridning "Atletiko" jamoasi qishda Arkadiush Milikni qo‘lga kiritish uchun urinib ko‘radi.
"AS" nashrining ma’lum qilishicha, "matraschilar" "Napoli" klubi hujumchisini qishda qo‘lga kiritish uchun qo‘lidan kelgan barcha ishni amalga oshiradi.
Eslatib o‘tamiz, futbolchi bilan avvalroq "Everton" va "Tottenhem" jamoalari qiziqish bildirgan edi.
Musa Turkiyada?!
Ayni damda erkin agent maqomidagi Ahmad Musa faoliyatini Turkiyada davom ettirishi tobora aniqlashib bormoqda.
"Fanatik" nashrining ma’lum qilishicha, nigeriyalik futbolchi bilan "Galatasaray" klubi jiddiy qiziqib qolgan va u bilan 2 yillik shartnoma imzolamoqchi.
Eslatib o‘tamiz, avvalroq u bilan Rossiya va Angliya klublari shartnoma imzolamoqchi ekanligi haqida xabarlar paydo bo‘lgan edi.
"Real" ishga kirishdi
"Tottenhem" jamoasining sobiq bosh murabbiyi Maurisio Pochettino faoliyatini Madridda davom ettirishi mumkin.
"Sport.es" nashrining ma’lum qilishicha, Madrid klubi argentinalik murabbiy bilan shartnoma imzolash maqsadida murabbiy bilan aloqaga chiqqan.
Eslatib o‘tamiz, avvalroq Zidanning iste’foga chiqishi borasida mish-mishlar paydo urshib ketgan edi.
Jurnalist: "Messi kelasi mavsum PSJga o‘tadi"
Kataloniyaning "Barselona" jamoasi hujumchisi va sardori Leo Messi faoliyatini Parijning PSJ jamoasida davom ettiradi. Bu haqida RMC Sport nashri jurnali Danilo Riolo xabar bermoqda.
Jurnalistning aytishicha, Messining "Barselona"ni tark etishi 100 foiz aniq bo‘lib ulgurgan. Endilikda tomonlar shaxsiy shartnoma borasida muzokaralar olib bormoqda.
Eslatib o‘tamiz, bir necha kun avvalroq PSJ hujumchisi Neymar Messi bilan birga to‘p surmoqchi ekanligi va bu ish amalga oshishiga sha’ma qilgan edi.
"Liverpul" ularga javob beradi
Angliyaning "Liverpul" jamoasi qishki transfer oynasi chog‘ida o‘z futbolchilaridan bir nechtasini transferga qo‘yishi mumkin.
ESPN nashrining ma’lum qilishicha, "mersisaydliklar" qishda transferga Sherdan Shakiri va Divok Origilarni qo‘yishadi.
Ma’lumotlarga qaraganda, "Lids" Origi uchun, "Galatasaray" esa Shakiri uchun asosiy da’vogar bo‘lib turibdi.
