Italiya matbuoti tarqatgan xabarga ko‘ra, "Chelsi" Kepa Arrisabalagani "Udineze"darvozaboni Xuan Mussoga almashtirishni taklif qildi.
Kepa Arrisabalaga "Chelsi" bosh murabbiyi Frenk Lempardning ishonchidan chiqqanligi sababli, murabbiy uni sotmoqchi.
Eslatib o‘tamiz, "aristokratlar" Kepaga 2018 yilda unga 80 million yevro sarflab, dunyoning eng qimmat darvozaboniga aylantirishgandi. Endilikda Kepaning narxi taxminan 20 million yevroni tashkil qilmoqda.
Lempardning asosiy maqsadi - "Udineze"ning argentinalik darvozaboni Xuan Musso bo‘lib, garchi futbolchining transfer qiymati 20 million yevroni tashkil qilsa-da, Italiya klubi uni 30 million yevroga baholamoqda.
Musso transferi bo‘yicha muzokara olib borish uchun "Chelsi" Kepani Italiya klubiga berishga tayyor. Bu to‘g‘ridan-to‘g‘ri almashinuv bo‘lishi mumkin yoki qo‘shimcha to‘lov bilan ijara shartnomasi bo‘lishi mumkin: "Chelsi" Kepani ikki yil muddatga ijaraga beradi va qo‘shimcha 15 million yevro to‘laydi.
